Të paktën katër persona u vranë dhe rreth 30 të tjerë u plagosën në sulmet ruse në të gjithë Kievin, njoftoi Shërbimi Shtetëror i Emergjencave të Ukrainës.
Ekipet e shpëtimit evakuuan rreth 70 persona, ndërsa besohet se ka ende njerëz të bllokuar nën rrënoja.
Mbi 500 mijë nxënës në Korenë e Jugut iu nënshtruan të enjten provimit më të rëndësishëm në vend, testit të pranimit në universitet, një provim që mund të përcaktojë të ardhmen e tyre në një shoqëri tepër konkurruese.
Autoritetet e Afrikës së Jugut u kanë dhënë leje hyrjeje 153 refugjatëve palestinezë që mbërritën të enjten me një fluturim çarter nga Kenia për të kërkuar azil në vend, por më parë u ishte refuzuar pranimi pasi dështuan në testet e emigracionit, transmeton Anadolu.
Shtetet e Bashkuara kanë miratuar shitjen e parë të armëve Tajvanit që nga rikthimi i presidentit Donald Trump në pushtet në janar, njoftoi sot Ministria e Jashtme e Tajvanit.
Uashingtoni mbetet mbështetja më e fortë e Tajvanit, ndërsa Kina pretendon sovranitet mbi të.
Bashkimi Evropian duhet të ndalojë dërgimin e parave të qytetarëve evropianë në Ukrainë pas skandalit të fundit të korrupsionit, njoftoi në Facebook ministri i Jashtëm hungarez, Peter Szijjarto, sipas “Ukrainska Pravda”.
Një tren u përplas me një furgon në rajonin e Presov në lindje të Sllovakisë, duke lënë një person të vdekur dhe një tjetër të plagosur, raportoi Agjencia e Lajmeve e Republikës Sllovake të enjten në mbrëmje, duke cituar një oficer lokal të shpëtimit.
