Qytetarja nga Shkupi, R.S (76) dje është mashtruar për 130.000 denarë.
Ajo mori një telefonatë nga një femër dhe një mashkull, të cilët i thanë se vajza e saj kishte shkaktuar një aksident trafiku – kishte goditur një fëmijë dhe duhej të shkonte në burg.
Kryeministri i vendit, Hristijan Mickoski nga sot do të jetë për vizitë pune në Shtetet e Bashkuara të Amerikës dhe do të marrë pjesë në inaugurimin e presidentit të sapozgjedhur amerikan, Donald Tramp në Uashington.
Në Poliklinikën e Çairit aktualisht është ulur numri i pacientëve me grip dhe viruse të ndryshme. Numri i të sëmurëve pritet të rritet kur të fillojë gjysmëvjetori i dytë shkollor.
Me rastin e festës fetare të Ditës së Ujit të Bekuar, Njësiti për siguri në komunikacionin rrugor në SPB Shkup nesër do të vendosë regjim të posaçëm të komunikacionit për rrugë të caktuara në zonën qendrore të Shkupit, si dhe në komunat Gjorçe Petrov, Kisella Vodë dhe Aerodrom.
Pas pushimit dimëror trejavor, nxënësit e shkollave fillore dhe të mesme nesër do të kthehen në mësim në gjysmëvjetorin e dytë të vitit shkollor 2024/2025.
Moti sot do të jetë i ftohtë në mëngjes me paraqitje të mjegullës në lugina të veçanta, ndërsa gjatë ditës me diell dhe i qetë me vranësira të ulëta deri në mesatare lokale.
Temperatura do të lëvizin nga -10 deri në 12 gradë.
DPHM informoi se nga dita e hënë do të mbizotërojë mot me vranësira të ndryshueshme, ndërsa të martën priten të reshura lokale të shiut dhe në male të borës. Temperaturat maksimale të ditës gjatë javës do të lëvizin prej 10 deri 14 gradë, ndërsa ato të mëngjesit prej -4 deri 4 gradë Celsius.
Ministri i Çështjeve Evropiane, Orhan Murtezani, sot në Kiev mbajti takim me zëvendëskryetaren e Qeverisë së Ukrainës, përgjegjëse për Integrime Evropiane dhe Euroatlantike, ministre e Drejtësisë dhe kryenegociatore për anëtarësimin e Ukrainës në BE, Olga Stefanishina.
Është arrestuar Rade Trajkovski Shtekli. Ai dyshohet për trafikim droge. Rade Shtekli ka udhëhequr një grup me më shumë se dhjetë anëtarë, të cilët merren me shitjen e substancave narkotike.
Shkolla Fillore “Vellerzërit Milladinov” - Strugë vazhdon të përballet me problematika të ndryshme në lidhje me vlerësimin dhe mbështetjen e fëmijëve me nevoja të veçanta.
