Presidenti i Serbisë, Tomisllav Nikolliq, ka deklaruar sot se Serbia është e gatshme ta dërgoj ushtrinë e saj në Kosovë, nëse popullata serbe në Kosovë rrezikohet.
I pyetur se a është Serbia e gatshme që ta dërgoj ushtrinë në Kosovë, Nikolliq tha se “nëse serbët vriten, po”.
Një tren ilegal me përmbajtje provokative i nisur nga Beogradi drejt Mitrovicës, nuk është lejuar tël futet mbrëm në teritorin e Kosovës, por kjo ka bërë që të tensionohen mardhëniet mes dy vendeve.
Policia e Kosovës ka kontrolluar të gjithë zonën e binarëve në Veri dhe asnjë mjet shpërthyes nuk është gjetur.
Në Paris të Francës zhvillohet sot një konferencë ndërkombëtare, për konfliktin izraelito-palestinez.
Raketa SpaceX është lansuar nga Kalifornia në orbitë me 10 satelitë, që paraqet rastin e parë të lansimit nga ana e kësaj kompanie, prej se një raketë e saj e ngjashme eksplodoi gjatë lansimit vitin e kaluar.
Presidenti i Shteteve të Bashkuara, Barack Obama, i ka zgjatur për një vit sanksionet kundër Iranit për shkelje të drejtave të njeriut dhe për mbështetje të organizatave terroriste.
Nga Kombet e Bashkuara është bërë e ditur që minoritetet janë duke vuajtur vrasje, përdhunime dhe keqtrajtime në duar të ushtrisë së Burmas.
Ushtria e Burmas i ka mohuar akuzat për keqtrajtimin e minoritetit Rohingya.
Migrantët po udhëtonin me varka nga brigjet e Libisë dhe trafikuesit përfitojnë nga koha e ftohtë me mjegull për të kaluar të pavërejtur nga policitë e vendeve europiane.
