Në Kumanovë nuk ka asnjë fëmijë apo të punësuar në çerdhet për fëmijë “Angell Shajçe”, të infektuar me Covid-19, edhe përkundër rritjes së shifrave të infektimeve në këtë komunë.
Drejtuesja e çerdhes thotë se janë marrë të gjitha masat mbrojtëse dhe protokollet respektohen.
Zjarri ka kapluar një shtëpi në lagjen “Gazi Babë” të Çairit. I menjëhershëm ka qenë intervenimi i zjarrfikësve dhe fatmirësisht nuk ka pasoja në njerëz.
Në Spitalin për Fëmijë Kozle, që nga fillimi i vitit shkollor janë hospitalizuar 11 fëmijë të moshës prej 9 deri në 16 vjeç, thekson drejtori I këtij spitali Besnik Zeqiri. Pacienti më i vogël me Covid në këtë spital, është foshnje 1 muaj e gjysmë.
Nesër në Shkup do të mbahet mbledhje e përbashkët mes Qeverisë së Maqedonisë së Veriut dhe Republikës së Kosovës.
Bashkimi Evropian do të sigurojë 140.000 euro mjete humanitare për t’u ndihmuar familjeve më të goditura dhe atyre që ishin në radhët e para në luftën me zjarret që përfshinë vendin tonë në fund të korrikut.
Në vend ende diskutohet mbi nevojat për implementimin e mirëfilltë të reformave në gjyqësor, por shumë pak flitet për rezultatet e zhvillimit real të gjyqësorit, i cili duhet të përafrojë vendin në dyert e BE-së, të sigurojë sistem të pavarur dhe drejtësi për çdo qytetar.
Për shkak të gjendjes me pandeminë, Qeveria vendosi që në shkollat e mesme në Tetovë dhe Gostivar mësimi të zhvillohet online deri më 20 shtator. Në këto dy qytete, numri i rasteve aktive vazhdon të jetë i lartë.
